Proiektu hau aurrera eraman ondoren garrantzitsua izan da egin dugun lana aurkeztea, lana egiten eta informazioa bilatzen aritu garenean bide batez ikasi egin dugulako. Eta hori izanda gure helburua, ikastea konturatu gabe.
Kontatuko dizuegu nola antolatu garen lan hau egiteko:
4. mailan 4 gela gara. Urola kostan 11 herri daude, gela bakoitzak herri batzuk aukeratu zituen taldeka egiteko. Informazioa leku desberdinetatik topatzen aritu gara; liburutegitik, internetetik, herriko aldizkarieatik, etxeko liburuetatik, aiton-amonetatik eta abar.
Behin informazio dena eskuratuta, garbira pasa dugu gure koadernoetara. Ondoren liburuxkaren orrialde batera pasa dugu.
Gure liburuak 11 orri ditu, orri bakoitza gure eskualdeko herri bat da.
Saiatu gara herri bakoitzaren gauza garrantzitsuenak jartzen eta batez ere bertako bitxikeriak.
Bukatzeko esan nahi dugu izugarri gozatu dugula proiektu hau egiten. Gure gertuko herrien bitxikeriak ere ezagutu ditugu eta oso ongi pasa dugu.
Jarraian dituzue aurkezpenaren argazkiak eta Urola kostako liburuaren bideoa.
Espero dugu zuei ere gustatzea.
iruzkinik ez:
Argitaratu iruzkina